我這一代人，小學一年級的作文課便開始寫「我的志願」；年紀漸長，在申請獎學金與交流團的面試裏被問及對將來的期望；大學畢業，四處求職去，又再是面對同一條問題，用字當然並不會如「我的志願」般老土，取而代之是問我對工作的期望。但其實，這一切都在問「我的志願」。
事實上我很害怕別人問我的志願，亦很怕別人問我日後的打算，因為我並不知道答案。
剛離開校園 怎懂選工作
問題是，為甚麼人們總期望別人有個「我的志願」，倘若一個人有個清晰確切卻離主流價值太遠的志願，他又有沒有如實說出的勇氣？反過來，人們又能否接受一個沒有或未有志願的人？一個未有志願的人，又有沒有敢不敢說自己未有志願？
對於二十出頭、剛剛離開大學堂的年輕人，他們才剛剛離開溫室般安全的校園，進入狂風暴雨的職業鬥獸場，這才是他們第一次正正式式地過「大人」的生活，一切都是新鮮的。在畢業後一年間轉過幾份工作的同學屢遇不鮮，正因為只有投入工作，才能明瞭每份工作的性質與環境。一個學生對不同職業的認知，時常來自道聽途說與招聘講座，另加自己的幻想，剛畢業時，他們又豈會清楚自己的志向？
我很清楚自己喜歡的工作方式。我喜歡穿便服上班、自由的辦工時間、累了可以倒頭大睡的環境、可讓我赤腳走動的工作間和新奇不沉悶不重覆的工作。可是，除此以外，其實，連我自己也不清楚自己的志願。又或者，當別人問起，我如此誠實的答，別人會否覺得我好逸惡勞不事生產？顯然，沒有人會期望這樣的答案，我亦不敢這樣回答。
不知做什麼 只知父母要什麼
當然，在見工面試時總要把自己表現得成熟表現得滿有計劃，我可以自己的專業知識去胡謅一個絕對可以令人滿意的答案，同時自己從心底裏毛管動。
這樣，大概又回到了呂大樂於《四代香港人》裏所描述第二代人與第四代人的關係，第四代人（如我）其實往往不知道自己想要甚麼（或者知道卻不敢答），但我們卻很清楚上一代（如我的父母）的期許；同時，有二三十年豐富社會閱歷的第二代人，又以自己當下的經驗去評定初出茅蘆的畢業生，並認為我們於二十歲時就要像正值事業黃金時期的他們一樣，對自己的定位一清二楚。於是，為迎合他們的要求，我只好答他們想要的答案。
我這代人寫了說了答了近二十年「我的志願」，但到底，又有幾多個人會寫自己心底裏的志願？
事實上我很害怕別人問我的志願，亦很怕別人問我日後的打算，因為我並不知道答案。
剛離開校園 怎懂選工作
問題是，為甚麼人們總期望別人有個「我的志願」，倘若一個人有個清晰確切卻離主流價值太遠的志願，他又有沒有如實說出的勇氣？反過來，人們又能否接受一個沒有或未有志願的人？一個未有志願的人，又有沒有敢不敢說自己未有志願？
對於二十出頭、剛剛離開大學堂的年輕人，他們才剛剛離開溫室般安全的校園，進入狂風暴雨的職業鬥獸場，這才是他們第一次正正式式地過「大人」的生活，一切都是新鮮的。在畢業後一年間轉過幾份工作的同學屢遇不鮮，正因為只有投入工作，才能明瞭每份工作的性質與環境。一個學生對不同職業的認知，時常來自道聽途說與招聘講座，另加自己的幻想，剛畢業時，他們又豈會清楚自己的志向？
我很清楚自己喜歡的工作方式。我喜歡穿便服上班、自由的辦工時間、累了可以倒頭大睡的環境、可讓我赤腳走動的工作間和新奇不沉悶不重覆的工作。可是，除此以外，其實，連我自己也不清楚自己的志願。又或者，當別人問起，我如此誠實的答，別人會否覺得我好逸惡勞不事生產？顯然，沒有人會期望這樣的答案，我亦不敢這樣回答。
不知做什麼 只知父母要什麼
當然，在見工面試時總要把自己表現得成熟表現得滿有計劃，我可以自己的專業知識去胡謅一個絕對可以令人滿意的答案，同時自己從心底裏毛管動。
這樣，大概又回到了呂大樂於《四代香港人》裏所描述第二代人與第四代人的關係，第四代人（如我）其實往往不知道自己想要甚麼（或者知道卻不敢答），但我們卻很清楚上一代（如我的父母）的期許；同時，有二三十年豐富社會閱歷的第二代人，又以自己當下的經驗去評定初出茅蘆的畢業生，並認為我們於二十歲時就要像正值事業黃金時期的他們一樣，對自己的定位一清二楚。於是，為迎合他們的要求，我只好答他們想要的答案。
我這代人寫了說了答了近二十年「我的志願」，但到底，又有幾多個人會寫自己心底裏的志願？
15 則留言:
"我喜歡穿便服上班、自由的辦工時間、累了可以倒頭大睡的環境、可讓我赤腳走動的工作間和新奇不沉悶不重覆的工作。"
嗨Justin,那不就是中大報社的工作環境嗎？
:p
嘿，答廣告營業代表不就行了，有誰知道「營業代表」是這樣工作的。我現坐的電腦桌下就有三疊你的名片呢，哈哈。
作個不準的統計：平均每個星期，一個叫Career Planning & Development Centre (OSA)的東西都會寄來兩封以金融行業為主的Career Talk、Briefing Session的電郵。校方好像不斷對我們說，職場險惡，盡快搞清楚自己的意向，盡快報Internship爭取入職機會，盡快報mentoring programme跟高層打好關係...但我總質疑聽得越多是否代表更能搞清楚自己意向，還是把更多單元化的資訊塞進我腦中。
大概沒有任何職業講座會跟我們說「偏離」的職業。他日可選擇的工作，有種叫文學雜誌編輯，有種叫婦女協進會員工，有種叫人權律師...自己的志願，我想是要經過多番嘗試，起起伏伏，再經常反思才得出答案。依賴他人給你的資訊，遲早都會撞板。
同樣問題也發生於文理分科, 大學選學系上. 很多人根本連自己想讀甚麼都不清楚也沒所謂, 為求搵工方便就得. 還有就是要輕鬆, 能走得走, 甚麼soc也只求呃宿分, 某程度也是自己扼殺自己探索新可能的機會.
笑話：
一個呃宿分soc，名叫「Art So Fun」。
Freeter有Freeter麻煩既，小弟依家先開工，不過仲未收到十一月稿費就破產之麻 ... -_-
Leona: 而家，我周不時都响dept度赤腳行黎行去。但，果時，最嚴重既時候，我都唔敢响果度赤腳。
Kris: 你知唔知，曾幾何時，我都有果個title。之但係，我疊卡片，已經唔知响邊。
基本上，職業講座過半數都係MT，啲人見到MT呢個title就會二話不說走去報。如果你走去career center問有冇社區組織既工作，啲人當你傻都似。
Kenka: 係囉。人地問你讀乜時，如果你話讀social science，人地實會再問你之後可以做乜。之但係，讀乜同做乜有咩關係？ 可唔可以係完全冇關係？
Galileo: Freeter?? 死！唔識呢個字。
做研究生都可以過這樣既生活。
Freeter 係日本字，即係英文Free加德文Arbeiter，總之係打散工 XD
本來打Freelance，手快打左Freeter。
研究生，我都想有人收留 :~
Justin:
香港既悲哀﹐大概就係"我的志願"如果唔係搵好多錢又或者有個"師"字尾既工作就唔係一個好志願?
又﹐Google唔錯o架...好似可以滿足你"喜歡穿便服上班、自由的辦工時間、累了可以倒頭大睡的環境、可讓我赤腳走動的工作間和新奇不沉悶不重覆的工作"既要求。
次次搵野做，俾人問有咩career plan，我都係r哂頭，可能真係大家諗野唔同，就算係做左幾年野，我都唔知自己好想做咩，唔想做就可以up到好多好多，可能係我地身處既社會冇左之前既穩定性，但係可供選擇既就唔係任你揀，而且通往羅馬既大路有唔少已經好似紅隧過海咁俾人塞住哂，又或者你知道個路口係邊但你自己計過數，去唔到不如唔好去。但都係個句，我都唔知自己3年之後會點，又點真係話俾大家聽有咩長遠發展，反而掉番轉，問大家經濟就黎唔好啦，大家諗住點樣係呢個時候裝備好自己，又或者萬一你係屋企冇野做，你會搵咩搞會唔會好少少?
同樣又係一代不同一代既思維，爸爸媽媽可能會諗點樣慳一個幾毫，老o的既會話子女仲咩咁哂野，諗下打杖冇野食。我地呢，就覺得慳黎都唔知做咩，今日唔知聽日事，不過趁後生享受埋佢，玩下去下旅行開下眼界仲好。我覺得，而家呢個年代，我地日日都係打緊杖，只不過換左係換左戰場係big 4，係銀行，係...而且知道工作機會得來不易個時，血腥味更重，競爭更大。
justin: 講起上黎，我個時都間唔中落去dept lab(係你個dept呀，924呀904呀)做功課，貪人多之餘又可以一齊研究，但最慘係一趕就係十幾個鐘，有時仲要唔係lcd芒，望都望到眼盲。唔，如果有份工喜歡穿便服上班、自由的辦工時間、累了可以倒頭大睡的環境，我都想。
講起freeter，日本真係好多呢的青年，佢地個隔代問題比我地仲要嚴重，唔少二十幾歲都好唔想番長工，又或者想番都唔多機會，好可能他佢地既社會幾乎全部都係退而不休既第二代，甚至係第一代都仲係度賣緊和果子。
「而家呢個年代，我地日日都係打緊杖，只不過換左係換左戰場係big 4，係銀行，係...而且知道工作機會得來不易個時，血腥味更重，競爭更大。」
呢個就係部分第二代嘅一大盲點。
Explicit 咁窮，住板間房、制水、輪救濟奶粉，有幾恐怖，我哋呢一輩的確未必會明；但反過嚟講，今日一個小小MT響冷氣長開嘅 IFC 60樓，用盡平生所學嘅 book smart 同
street smart 扭六壬，做一啲四十年前天之驕子 fresh grad 未必可以想像咁複雜嘅嘢，而且仲要唔知聽日會唔會冇咗份工斷水斷糧，宜家上咗岸嘅老輩，又會唔會明？
知識、技能、社會結構、人際關係比以前複雜，佢哋唔知；冇刀冇血，生唔見人死唔見屍，亦唔見得係唔恐怖，佢哋亦唔會明。難聽講句，某啲人似乎真係長期處於「物理層」，大不了就係「生物邏輯層」，仲要唔好大教壞細...唯有響度講句「阿彌陀佛」。
暗黑：又或者，大公司囉。你同人講自己做HSBC，人地就會覺得你好勁。
Google，人人都話好好。我都想試下。
Johnny: 好多人都講過，而家，的確係少左好多軍事侵略，之但係，經濟侵略就遠比以前嚴重。就如你所說，番工好就似上戰場咁，工作得來不易，仲要面對北面又平又靚又虎視眈眈既同胞，日日都會諗住點先可以保住自己既競爭力，唔好俾人食左自己左份。
我以前最嚴重既時候，係連續留左响果度五十幾個鐘，中間淨係番房訓過五個鐘，真係人都癲。不過，真係好好既回憶黎。
Perennial_Loser:
我覺得最重要既係，二三十年前，香港作為中國大陸既窗口為香港帶黎左好多黃金，啲外資要入大陸就要經過香港，果個時代既人既成就係十億人既貧窮換番黎既。
到左今時今日，果十億人，就變左我地既競爭對手。
忽然想到，上一代總在問：你有乜Plan？其實不是為了想知道我們的計劃。他們當中又有多少個Plan 到自己買樓會變負資產？
他們問這個問題，可能只是想知應徵者的「弱點 / 慾望」，好讓他們可以加以「管理/ 控制」。即如果知你志在升職，就用職位來吸引你；志在賺錢的，就用高薪金。總之，他們要知道你怕甚麼想要甚麼，他們才有安全感。
所以，他們最怕那些虛無飄渺的答案，亦最怕那些「無欲則剛」的新一代。那些：「唔知嫁！做到倦就辭職去三個月旅行，返來先搵過第份工啦！」基本上就是他們的剋星。因為，他們不知道怎樣才可收買你。
justin:
咪理去google啫,去editgrid幫阿david lee手打敗google仲好
:p
(係,我擺明對暗黑打對台)
(不過講真,google其實好好,如果係北京做野,仲好)
Justin 兄：
此所以小弟不時同人講笑：「中國唔好，香港先好」。嘿嘿~
到咗我哋呢代，「競爭」係一種類似《暗戰》嘅形式 - 唔見血，表面睇冇咩殺傷力。爭輸咗，唔係真係會餓死，但你會長期「沉淪下僚」，社會地位同經濟力量追唔上持續生存所需。呢種係長期慢慢閹咁死，除咗部分身處其中嘅人外，似乎唔少人對呢個情況冇咩警覺，仲以為真係好爽。成個社會唔多少改變下某啲心態，真係遲早攬住一鑊熟；到時真係 plan 乜都冇用。
panda_wong 兄：
贊同你嘅講法；對於二代精英同埋三代頭嘅尾班車上位一族，花花世界太美好，點捨得走？睇你班細嘅有咩 plan，一則旨在睇你 fit 唔 fit into 佢哋自己嘅 plan，二則可以睇下點 control，一石二烏也。
不過除此之外，個人直覺係呢啲人對「安定」/「秩序」有一種近乎瘋狂嘅非理性渴求 - 共產黨嘅「亂」對呢啲人造成心理陰影，反作用就係極度追求「計劃」、「秩序」。睇下宜家部分人對國民黨政府威權管治下嘅「詩酒風流」有幾嚮往、對城市規劃「井然有序」嘅追求 (eg. 趕絕小販/街鋪；商場/住宅樓盤模組化、專門化、單一化)，可以多少領會到呢啲人係咩心態。換句話講，其實呢班「精英」(主流？)都幾左0架 - 咩都要「計劃」...嘿~
另外呢，其實上一代精英眼中新一代嘅「冇計劃」，佢哋亦未嘗唔係冇責任。香港精英，一向以轉數高、走位醒目為榮；只係到咗乜嘢都快嘅今日，時勢日日新，噚日 perfect 嘅計劃今日已經廢咗 (99-01 年大學讀 IT 嘅人，應該好明白)。要生存，要適應世情，"follow the money" 都唔係一定得，難聽講句就唯有「冇計劃」，先可以變得快、走得快。「計劃」，最多就只可以係事前準備工夫，搞到自己周身刀；之後嘅嘢，邊有得「計劃」？
呢啲都係一己經驗之談 (因為我自己都係好鍾意「計劃」 - 我成日計住幾多歲大概有幾多收入、要交幾多稅、要儲蓄幾多、退休又點點點之類...哈哈)；睇下就好，唔好太認真。
:P
這是很多人的故事
http://www.chick.com/zh/b5/reading/tracts/0240/0240_01.asp
發佈留言